معلومات کے لئے
چشمہِ حیات کیا ہے؟
چشمہِ حیا ت کا تعلق اُن تمام لوگوں کو جو ذہنی اور دِلی اطمینان کے متلاشی ہیں اور جو اپنی روزمرہ زندگی سے متعلق اپنے دِلوں اور ذہنوں پر بہت سے اَن گنت سوالوں کا بوجھ لئےہوئے ہیں ۔اور چشمہ ِ حیات ایسے تمام لوگوں کو اُن کے تمام سوالات کے جوابات کی اُمید مہیا کرتا ہے۔ چشمہِ حیات روحانی عالم میں موجودتاریکی میں بیٹھے لوگوں کو الہیٰ روشنی سے منور ہونے کی امید دِلاتا ہے۔ چشمہِ حیات کرسچن بروڈ کاسٹنگ ہوپ (سی۔ بی۔ ایچ) کی جانب سے اردو کے علاوہ دَس اور مختلف زبانوں میں نشر کیا جارہا ہے۔
اُمید کس لئے؟
اُمید ہی کے باعث ایک بہتر دن ، بہتر مُستقبل اور بہتر زندگی کی خاہش لئے ہوئے ہم ہر صبح نیند سے بیدار ہوتے ہیں۔ بہتردن ، بہتر زندگی اور بہتر مُستقبل سے متعلق مسائل پر بات کرنا ہی چشمہِ حیات کا مقصد ہے ۔ چشمہِ حیات کا مقصد "اُمید "ہے ۔ اور اُمید کا تعلق ہماری ایمانی زندگی سے بھی جُڑا ہے ۔ چشمہ حیات کے پروگرام کے ذریعہ اُس ایمانی امید کو اجاگر کرنا ہی اس پروگرام کا مقصد ہے۔ کیونکہ یہ امید ہی ہے جس کے ذریعہ سے ہم مسیح میں قائم رہ کر اُسے اپنا زندہ خُدا قبول کرتے ہیں۔
چشمۂ حیات آن لائن پادری / پروڈیوسر
سمیرا سونی پاکستان میں پیدا ہوئیں۔ ان کی پرورش کراچی میں ہوئی، جہاں انہوں نے خدا اور اُس کے لوگوں کی خدمت کرنے کے لیے اپنے بلاوے کو محسوس کیا، اور 2012 میں بپتسمہ لیا۔ وہ ماضی میں قانون کے شعبے میں بطور لاء کلرک کام کر چکی ہیں، جبکہ اس وقت آن لائن تدریس سے وابستہ ہیں اور اعلیٰ تعلیم بھی حاصل کر رہی ہیں۔ وہ امریکہ میں ایک الٰہیاتی سیمینری میں خدمت کے لیے اپنی تیاری جاری رکھے ہوئے ہیں، جہاں وہ ماسٹر آف ڈیوینٹی کی ڈگری مکمل کرنے کے لیے تعلیم حاصل کر رہی ہیں۔ ان تمام کوششوں کا واضح مقصد یہ ہے کہ جہاں وہ رہتی ہیں، وہاں کی دنیا تک یسوع مسیح کی اُمید کا پیغام پہنچائیں۔
’’میرے دل کا بوجھ اور خواہش ہے کہ اُردو زبان اور دیگر مقامی بولیوں میں انجیل کی خوشخبری اپنے عزیز لوگوں تک پہنچاؤں۔ آن لائن پلیٹ فارمز، ریڈیو اور ٹیلی ویژن کے ذریعے ہم بہت سے لوگوں تک پہنچ سکتے ہیں۔ لوگ اپنے گھروں میں بیٹھ کر دیکھنے یا سننے میں زیادہ سہولت محسوس کرتے ہیں، خاص طور پر جب بات روحانی معاملات کی ہو۔‘‘
میں اِس لئے آیا کہ وہ زندگی پائیں اور کثرت سے
پائیں۔
سنو۔۔۔
